Courte biographie de George Francis Le Feuvre
(en jèrriais)

1891 - 1984

George d'la Forge 'tait probabliément l'pus grand auteu dé prose en Jèrriais du vîngtchième siècl'ye.

Il êcrivit pus d'mille trais chents articl'yes pouor les gâzettes. Ch'est eune véthitabl'ye trésor'rie d'la langue Jèrriaise: des mémouaithes d'la vie en Jèrri duthant ses jannes ans, ses expéthiences dans les difféthents pays tch'i' vîsitit duthant ses viages, les gens, les couôteunmes et les crianches du temps pâssé, et ses opinnions entouor la vie politique et les changements en Jèrri. Tchi grand travas!

L'amas et la qualité d'ses piéches aîdgaient à êtablyi l'St. Ouënnais coumme standard littéthaithe pouor l'Jèrriais.

Pouor dé mé, ch'tait ma preunmiéthe întroduction au Jèrriais - liêsant l's articl'yes tch'appathaîssaient rédguliéthement dans les colonnes d'la gâzette du sé quand j'tais mousse.

Fraînque Le Maistre

Référence: Les pages jèrriaises, Géraint Jennings

Engin de recherche
Taper un mot clé